𑐗𑐷𑐐𑐸 𑐧𑑂𑐰𑐣𑐾𑐎𑐸𑐠𑐷 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐀𑐣𑑂𑐟𑐬𑑂𑐐𑐟 𑐣𑐾𑐰𑐵𑑅 𑐨𑐵𑐫𑑂 𑐧𑑂𑐰𑑄𑐎𑐾𑐐𑐸 𑐖𑑂𑐫𑐵𑐗𑑂𑐰𑑅 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐮𑐵𑐐𑐸 𑐫𑐵𑐫𑐾 𑐳𑐶𑐧𑐫𑑂 𑐣𑑂𑐴𑑂𑐫𑑅 𑐰𑐶.𑐳𑑄. 𑑒𑑐𑑖𑑕 𑐳𑐵𑐮 𑐣𑐶𑐳𑐾𑑄 𑐴𑐾 𑐖𑐸𑐫𑐵𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐰𑐶.𑐳𑑄. 𑑒𑑐𑑖𑑕 𑐳𑐵𑐮𑐫𑑂 𑐣𑐾𑐰𑐵𑑅 𑐳𑑂𑐫𑐣𑐵𑐩𑐶 𑐡𑐧𑐹𑐫𑐵 𑐐𑑂𑐰𑐴𑐵𑐮𑐶𑑄 𑐣𑐾𑐰𑐵𑑅 𑐨𑐵𑐫𑑂 𑐧𑑂𑐰𑑄𑐎𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅𑐳𑐵 𑐁𑑅 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐣𑐶𑐬𑑂𑐞𑐫 𑐎𑐠𑑄 𑐰𑐶.𑐳𑑄 𑑒𑑐𑑗𑑗 𑐳𑐵𑐮𑑄 𑐣𑐶𑐳𑐾𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐀𑐣𑑂𑐟𑐬𑑂𑐐𑐟 “𑐫𑐾𑑃 𑐡𑐾𑐫𑑂 𑐩𑑂𑐴𑐳𑐷𑐎𑐾” 𑐢𑐎𑐵𑑅 𑐳𑑂𑐠𑐵𑐣𑐷𑐫 𑐨𑐵𑐲𑐵 𑐮𑐶𑐥𑐶 𑐳𑑄𑐳𑑂𑐎𑐵𑐬, 𑐳𑑄𑐳𑑂𑐎𑐺𑐟𑐶 𑐳𑑂𑐫𑐣𑐾𑐎𑐣𑐾 𑐖𑑂𑐫𑐵𑐗𑑂𑐰𑑅𑐮𑑄 𑐫𑐵𑐣𑐵𑑅 𑐗𑐷𑐐𑐸 𑐨𑐵𑐲𑐵, 𑐮𑐶𑐥𑐶, 𑐳𑑄𑐳𑑂𑐎𑐺𑐟𑐶, 𑐳𑑄𑐳𑑂𑐎𑐵𑐬 𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑐫𑐵𑐟 𑐥𑐸𑐳𑑂𑐟𑐵𑐣𑑂𑐟𑐬𑐞 𑐖𑐸𑐫𑐵𑑅 𑐳𑑄𑐬𑐎𑑂𑐲𑐞 𑐰 𑐳𑐩𑑂𑐧𑐬𑑂𑐡𑑂𑐢𑐣 𑐫𑐵𑐫𑐾𑐟 𑐐𑑂𑐰𑐴𑐵𑐮𑐶 𑐖𑐸𑐂 𑑋
स्थानीय पाठ्यक्रममा स्थानीय भाषा
𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐳𑑂𑐠𑐵𑐣𑐷𑐫 𑐨𑐵𑐫𑑂 𑐖𑑂𑐫𑐵𑐗𑑂𑐰𑑅
Local Language in Local Curriculum
“𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐳𑑂𑐠𑐵𑐣𑐷𑐫 𑐨𑐵𑐫𑑂 𑐖𑑂𑐫𑐵𑐗𑑂𑐰𑑅” 𑐀𑐣𑑂𑐟𑐬𑐐𑐟 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐡𑐸𑐣𑐾 𑐮𑐵𑑅𑐐𑐸 𑑘𑑙𑐐𑐹 𑐳𑐵𑐩𑐸𑐡𑐵𑐫𑐷𑐎 𑐧𑑂𑐰𑐣𑐾𑐎𑐸𑐠𑐷 𑐣𑐾𑐥𑐵𑐮𑐨𑐵𑐲𑑄 𑐳𑑂𑐠𑐵𑐣𑐷𑐫 𑐟𑐖𑐶𑐮𑐖𑐶, 𑐨𑐵𑐲𑐵, 𑐮𑐶𑐥𑐶 𑐳𑑂𑐫𑐣𑐾𑐎𑐣𑐾 𑐫𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐐𑐸 𑐖𑑂𑐫𑐵𑐗𑑂𑐰𑐮𑑄 𑐫𑐵𑐣𑐵𑑅 𑐧𑑂𑐰𑐣𑐾𑐎𑐸𑐠𑐶𑐫𑐵 𑐧𑑂𑐰𑐣𑐵𑐩𑐶𑐟𑐫𑑂𑐟 𑐫𑐾𑑃𑐫𑐵 𑐳𑑂𑐠𑐵𑐣𑐷𑐫 𑐨𑐵𑐲𑐵 𑐮𑐶𑐥𑐶 𑐟𑐖𑐶𑐮𑐖𑐶𑐫𑐵 𑐧𑐵𑐬𑐾 𑐳𑐫𑐾𑐎𑐾𑐐𑐸 𑐴𑑂𑐰𑐟𑐵𑑅 𑐔𑐹𑐮𑐵𑑅𑐐𑐸 𑐡𑐸 𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐳𑑂𑐠𑐵𑐣𑐷𑐫 𑐨𑐵𑐫𑑂, 𑐮𑐶𑐥𑐶, 𑐳𑑄𑐳𑑂𑐎𑐵𑐬 𑐳𑑄𑐳𑑂𑐎𑐺𑐟𑐶 𑐖𑐵𑐟𑑂𑐬𑐵𑐥𑐬𑑂𑐰 𑐣𑐏𑑅𑐔𑐏𑑅𑐫𑐵 𑐳𑑄𑐬𑐎𑑂𑐲𑐞 𑐰 𑐳𑐩𑑂𑐧𑐬𑑂𑐡𑑂𑐢𑐣 𑐰 𑐰𑐶𑐎𑐵𑐳𑐫𑐵 𑐖𑑂𑐫𑐵𑐫𑑂 𑐠𑐥𑐹 𑐖𑐸𑐂𑐐𑐸 𑐏𑐣𑐾𑐡𑐸 𑑋
𑐣𑐾𑐰𑐵𑑅 𑐨𑐵𑐫𑑂𑐫𑐵 𑐴𑐣𑐾𑐧𑐴𑑅𑐥𑐶𑑄 𑐳𑑂𑐫𑐣𑐵𑐩𑐶𑐥𑐶𑑄𑐳𑑄 𑐢𑐫𑐵𑐡𑐷 𑐎𑐠𑑄
